Skartgripasmíði úr silfri
![](/static/signup/course/md/1572963413-silfursmidi1.png)
Námskeiðið er fyrir byrjendur og þá sem vilja læra að nota logann til að breyta formi silfurs með ýmsum hætti.
Þátttakendur hanna og smíða eftir sínu höfði eða eftir sýnishornum á staðnum. Farið er í allan grunn í silfurkveikningu, formun á silfrinu í mismunandi skartgripi og allan frágang svo sem slípun og póleringu. Einnig er kveiking á silfurfattningum og ísetning á skornum steinum kennd.
Á þessu námskeiði er einnig boðið upp á smíði skartgripa úr silfurleir (mjúku silfri). Hentar byrjendum mjög vel í hönnun og smíði skartgripa og í raun einfaldara ferli heldur en almenn silfursmíði. Hægt er að gera flóknari munstur og form með silfurleirnum því mýktin gefur fleiri tækifæri svo sem að steypa í mót og forma mjúkt áður en það er hert með gasloga.
Allir fullklára nokkra skartgripi á námskeiðinu og efnið í þá er innifalið í námskeiðsgjaldinu.
Námskeiðið er 4 skipti. Kennt er á fimmtudögum klukkan 17:00-20:00.
Nánari dagsetning verður ákveðin síðar.
Kennslustaður: Handverkshúsið, Dalvegur 10 - 14 Kópavogur.
Bréf sem staðfestir inntöku á námskeið mun berast eftir miðjan ágúst.