Ráðgjafi hjá Fjölmennt heldur námskeið fyrir Reykjavíkurborg. Á haustönn heldur Helle Kristensen ráðgjafi hjá Fjölmennt námskeið að beiðni skrifstofu um málefni fatlaðs fólks á Velferðarsviði Reykjavíkurborgar fyrir stjórnendur í búsetuþjónustu fatlaðs fólks í Reykjavík.

Opið fyrir umsóknir! Sendið póst á bataskoli@gmail.com til þess að skrá ykkur! Nú er tækifæri til þess að skrá sig í Bataskólann og fræðast um geðheilsu frá ýmsum sjónarhornum og kynnast fjölbreyttum verkfærum til þess að hlúa að eigin geðheilsu og vellíðan.

Á haustönn er kennd námsbrautin Matar- og framreiðslubraut og hófst námið í byrjun september. Brautin er hugsuð fyrir þau sem vilja öðlast reynslu og fá undirbúning í því að matreiða og framreiða mat fyrir eldhús og mötuneyti.

Á ársfundi í vor urðu breytingar í stjórn Fjölmenntar.

Í byrjun árs hófst úttekt á starfsemi Fjölmenntar. Úttektin var gerð að ósk Menntamálaráðuneytisins og lauk þeirri vinnu síðastliðið vor. Úttektin var unnin af Menntavísindastofnun Menntavísindasviðs HÍ. Úttektin er liður í endurnýjun á samningi Fjölmenntar við Félags- og vinnumarkaðsráðuneytið og endurskoðun á hlutverki og verkefnum Fjölmenntar.

Besta frétt síðustu viku var fréttin um að Lára Þorsteinsdóttir hafi fengið inngöngu í Háskóla Íslands þar sem hún verður nemandi í sagnfræði. Lára var ein af fyrirlesurum á ráðstefnu Fjölmenntar Nám er fyrir okkur öll sem haldin var í mars síðast liðnum.

Ásgerður Hauksdóttir verkefnastjóri Fjölmenntar eða Ása eins og hún er oftast kölluð er á leið í námsleyfi og mun Kristín Eyjólfsdóttir taka við hennar starfi veturinn 2022-2023.

Símenntunar- og þekkingarmiðstöðin Fjölmennt var stofnuð árið 2002 og á því 20 ára afmæli í ár. Ýmislegt hefur verið gert í tilefni þess og ber þar hæst ráðstefnan Nám er fyrir okkur öll sem haldin var í lok mars. Um 200 manns sóttu ráðstefnuna sem var árangursrík og skemmtileg. Einnig var á vorönninni haldin vegleg árshátíð og glæsilegir vortónleikar.

Opnað hefur verið fyrir umsóknir í Fjölmennt - Geðrækt. Umsóknarfrestur er til 22. ágúst.

Verkefnið Sendiherrar samnings Sameinuðu þjóðanna um réttindi fatlaðs fólks hófst árið 2011. Í upphafi var auglýst eftir fólki til að taka þátt í verkefninu og það kom ekki á óvart að María Hreiðarsdóttir vildi gerast sendiherra.