Skynjun og náttúruupplifun

Hljóð, áferð, litbrigði og lykt, sem tengjast náttúrunni, eru færð inn í kennslustofuna. Við vinnum með náttúruna út frá þeirri árstíð sem við erum stödd í með fræðslu, upplifun, uppgötvun og rannsókn. Lögð er áhersla á að þátttakendur finni fyrir öryggi í aðstæðum og njóti hughrifa sem kvikna í augnablikinu. 

Kennslustundin  skiptist í þrennt.  Í fyrsta hluta  vinnum við með náttúruna og skynjun hennar með því að snerta, hlusta, skoða og finna ilm.  Í öðrum hluta er farið í slökun þar sem við komum okkur þægilega fyrir eins og okkur hentar með púða, teppi og dempum ljós.  Í þriðja hluta  hlustum við á tónlist sem lætur okkur líða vel og vekur okkur þægilega upp.   

Kennslustofan er síbreytileg eftir árstíðum og viðfangsefni tímans.  Unnið að því  að útbúa  fallegt og þægilegt umhverfi sem vekur forvitni. 

Leitast er við að skapa tækifæri fyrir tjáskipti og þátttöku á eigin forsendum.