Ársfundur Fjölmenntar

Helga Gísladóttir, Elsa Sigríður Jónsdóttir, Erna Arngrímsdóttir og Gerður Aagot Árnadóttir.

Ársfundur Fjölmenntar var haldinn mánudaginn 20. maí. Þær breytingar urðu á stjórn Fjölmenntar að Elsa Sigríður Jónsdóttir, sem verið hefur fulltrúi Landssamtakanna Þroskahjálpar og Erna Arngrímsdóttir fulltrúi Öryrkjabandalagsins létu af stjórnarsetu. Eru þeim þökkuð farsæl störf í þágu Fjölmenntar.

Nýir stjórnarmeðlimir eru Haukur Guðmundsson fyrir Þroskahjálp og Bjargey Una Hinriksdóttir fyrir Öryrkjabandalagið. Eru þau boðin velkomin í stjórnina.

Á myndinni eru Elsu Sigríði og Ernu færð blóm í þakklætisskyni fyrir stjórnarsetu liðinna ára. Með þeim á myndinni eru Gerður Aagot Árnadóttir formaður stjórnar og Helga Gísladóttir forstöðumaður Fjölmenntar.