Íslenska fyrir fólk af erlendum uppruna

Þetta er námskeið fyrir fólk af erlendum uppruna með þroskahömlun sem vilja byrja að læra íslensku sem annað mál eða bæta sig í íslensku.

Um einstaklingsmiðað nám verður að ræða sem verður skipulagt í samræmi við áhugasvið, hæfni og getu. Áhersla verður lögð á orðaforða daglegs lífs, hlustun og talmál með fjölbreyttum aðferðum.

Þátttakendur fá einnig fræðslu og innsýn í íslenska menningu.

Í lok námskeiðs verður gerð námsferilsmappa með þeim verkefnum sem unnið var að til að viðhalda þeirri þekkingu sem náðist á námskeiðinu og greiða leið að frekara námi í íslensku fyrir fólk af erlendum uppruna.

Nánari tímasetning verður auglýst síðar.

Umsóknarfrestur er til 20.nóvember. 

Bréf sem staðfestir inntöku á námskeið mun berast eftir miðjan desember.