Lærðu að nýta tækin

Á námskeiðinu læra þátttakendur hvernig hægt er að nota tölvu / snjalltæki á fjölbreyttan hátt. 

Áhersla er lögð á að tækin nýtist þátttakendum sem best.

Viðfangsefni eru tekin fyrir allt eftir áhuga þátttakenda hverju sinni og geta meðal annars verið:

• Að vinna með áhugamál í tölvu / snjalltækjum.
• Að kynnast nýjum möguleikum til að vinna með ljósmyndir og myndbönd.
• Að kynnast helstu möguleikum internetsins og samfélagsmiðla.
• Að kynnast ýmsum smáforritum, leikjum og þrautum.

Ekki er gerð krafa um að þátttakendur eigi tölvu / snjalltæki og getur námskeiðið því hentað þeim sem eru að velta fyrir sér að kaupa slíkt tæki.

Námskeiðið getur einnig hentað þeim sem hafa lengi átt tölvu / snjalltæki en langar að læra að nota það á fjölbreyttari hátt.

Vakin er athygli á að hægt er að sækja um fræðslu um notkun spjaldtölvu fyrir starfsfólk og aðstandendur þátttakenda  á þessu námskeiði.

Námskeiðið er einu sinni í viku, 1-2 kennslustundir.

Umsóknarfrestur er til 20.nóvember. 

Reynt verður að fara eftir óskum umsækjenda um tímasetningar.
Vinsamlega takið fram í athugasemdadálki hvaða tími kemur alls ekki til greina.

Bréf sem staðfestir inntöku á námskeið mun berast eftir miðjan desember.