Nú er hægt að sækja um jólanámskeið og námskeið sem verða á vorönn 2021. Umsóknarfrestur er til 20. nóvember.

Vegna nýrrar reglugerðar um fjöldatakmarkanir sem miðast við 10 manns verðum við að endurskoða námskeiðahald hjá Fjölmennt.

Fjölmennt tekur nú þátt í einu Erasmus+ verkefni eins og fyrr hefur verið kynnt; Silver age learning https://www.acz-kurzy.cz/about-sage

Vegna frétta síðustu daga vil ég ítreka að enginn komi á námskeið hjá Fjölmennt ef minnsti vafi leikur á að viðkomandi geti verið að veikjast. Okkur finnst mikilvægt að halda námskeiðum gangandi en til þess að það sé hægt verðum við öll að hjálpast að. Það þarf bara eitt smit og þá gætum við þurft að loka starfseminni um tíma og það viljum við ekki að gerist. Hugum vel að sóttvörnum og munum að við erum öll Almannavarnir.

Námskeið sem haldin eru í húsnæði Fjölmenntar, Vínlandsleið 14, verða haldin að öllu óbreyttu. Námskeið sem haldin eru á öðrum stöðum geta raskast og þá verður haft samband við nemendur / tengla.

Það er mikið hringt til að spyrjast fyrir um námskeiðin. Við reynum eins og við getum að halda óbreyttri starfsemi.

Verkefnastjóri býður upp á fjölbreytta þjónustu við aðstandendur og starfsfólk í þjónustu við þátttakendur á heimilum þeirra eða vinnustöðum. Þjónustan felst meðal annars í fræðslu og einstaklingsráðgjöf.

Við viljum vekja athygli á að hægt er að sækja um styrk til náms eða til verkfæra- og tækjakaupa hjá Reykjavíkurborg til 18. október næstkomandi.

Haldið verður fræðsluerindi fyrir starfsfólk í búsetuþjónustu þátttakenda á námskeiðum hjá Fjölmennt miðvikudaginn 30. september kl. 14:00-16:00.

Opið er fyrir umsóknir í Fjölmennt Geðrækt á haustönn 2020. Umsóknarfrestur er til 28. ágúst.